सुख दुख।

दुख बाँडे कम हुँदोरैछ, सुख बाँडे धेरै।
आउने जाने ठेगान छैन, अहिले हो कि भरै।

कलाकारहरु अभिनय गर्छन, त्यो उनीहरुलाई नै ठिक छ।
दिल खोलेर माया गरौ, साँचो मायाले तेसै जित्छ।
आफु अघि जो भेटिन्छ, उसलाई माया गरौ।
एकबार को जिन्दगीमा, हासीखेली बाँचौ।

देख्या छैन देउतालाई, बाबा जस्तो कि आमा।
शत्रु छैन, मित्र छैन, सबै एक अर्काका ऐना।
आफ्नो भन्नु मनले हुन्छ, मुखले अर्को हुन्छ।
ठेस खाएर लडेपछि, बल्ल थाहा पाइन्छ।

नाच्दा-नाच्दै ढलेपनी, एकछिन जिउन त पाइयो।
केही गरेनि लान नमिल्ने, सम्पती किन चाहियो।
अब त्यसै नबसौं है, सहि समय कुर्दै।
दुख बाँडे कम हुँदोरैछ, सुख बाँडे धेरै।

Post a Comment

0 Comments